【2022自願醫保懶人包】標準/靈活計劃有何不同?自願醫保優點、保費金額、扣稅全攻略

computer desk laptop stethoscope
你可能聽到有關自願醫保(VHIS)可以用嚟扣稅嘅優惠,既可滿足保險需求,又可以交少啲稅。究竟自願醫保係咩?選擇自願醫保有咩好處?Upjetso 為你準備自願醫保懶人包,一文睇清楚自願醫保優點、保費、如何扣稅等資料,等你投保之前對自願醫保有更清晰嘅了解!
文章目錄

【自願醫保優惠】AIA做緊全線保險產品優惠,最高有 75% 保費回贈。在2022年9月30日或之前投保指定自願醫保標準計劃、靈活計劃同尊尚計劃,可以拎 75% 保費回贈上限(即9個月保費),尊裕同尊顯計劃亦可以享 5 個月保費回贈。立即了解優惠詳情
AIA自願醫保係政府認可的醫療保障計劃,保費可以申請作年度應課稅收入的稅務扣減,地域保障範圍仲適用於全球(精神科治療除外)。

甚麼是自願醫保?

自願醫保計劃(Voluntary Health Insurance Scheme)係由香港食物及衛生局於2019年4月推行嘅新措施,屬自願性質。就政府而言,自願醫保的目標除咗提升住院保險產品嘅保障水平之外,長遠希望吸引市民透過住院保險選擇私營醫療服務,減輕公立醫院壓力。

保險公司可以選擇自由參與計劃,向大眾提供獲計劃認可嘅醫療保險產品,並遵守有關涵蓋銷售和推廣、處理投保申請和售後服務等實務守則;大眾即可以自由選擇係咪買相關嘅保險產品。

誰適合投保自願醫保?

只要年齡介乎15天至80歲,就可以投保自願醫保。對於剛出世的BB和老人家嚟講,自願醫保較為適合,可以保障到佢哋,有別於一般醫療保險難以投保。

當然,在考慮投保時都要先考慮自己實際情況及需要。例如自己本身係咪已經有相關嘅保險,轉保時係咪需要申報病歷等等。

woman in white v neck shirt raising her right hand

自願醫保與一般醫療保險有何分別?

市場上一般醫療保險產品:由保險公司自行訂立條款及細則,冇一個既定標準,所以保障水平、質素參差。

自願醫保計劃保險產品:需要符合一定標準,擁有更高嘅透明度和保障。例如:

  • 保證續保至100歲;
  • 投保時未知嘅已有疾病亦包含在保障範圍內;
  • 21日冷靜期期間可取消保單並全數取回已付保費;
  • 可於自願醫保計劃官網查閱保費表。

自願醫保的優點好處?

優點好處1:保證續保至100歲及不設「終身保障限額」

除了部分靈活計劃下嘅保險產品之外,絕大部份嘅保險產品都不設「終身保障限額」,無論保單生效後你嘅健康狀況有任何變化,都保證續保至100歲,不必為年齡問題而擔心。

優點好處2:保障範圍較廣

自願醫保嘅保障範圍比一般醫療保險更廣,投保時未知的已有疾病、先天性疾病治療、日間手術、訂明診斷成像檢測、訂明非手術癌症治療、本港醫院進行嘅精神科住院治療都包含在內,為你提供更多嘅保障。

優點好處3:保費透明

保險公司需要就參與計劃嘅認可保險產品公開保費表,令你對保費收費更清晰。

優點好處4:21日冷靜期

無論你因咩原因想取消保單,你都可以喺21日內提出要求並全數取回已付保費,令你可以更彈性處理保單。

優點好處5:保費可用作扣稅

政府為咗吸引更多人參與自願醫保計劃,就自願醫保嘅保費推出稅務扣減優惠,可以交少啲稅。

有關計劃特點詳情可參考自願醫保計劃網站

醫療保險 Health Insurance

自願醫保計劃保單?

想知自己買嗰份係咪自願醫保?好簡單,每一張自願醫保計劃保單中與認可產品相關嘅頁數均設有頁尾註腳,指明「本頁內容屬於自願醫保認可產品(<編號>)的條款及保障」。買自願醫保時,謹記要check清楚有冇呢句提示識別句子。

投保標準計劃or 靈活計劃?

自願醫保計劃認可嘅產品分為「標準計劃」和「靈活計劃」兩類:

  • 標準計劃:條款及保障均為標準化並訂有最低要求,如最低保障範圍及賠償金額。除了一些獲准的輕微差異外,市面上的自願醫保標準計劃在產品設計方面大致相同。即係話,如果你打算投保標準計劃,其實幫邊間保險公司買都冇大分別。按這裡查詢認可標準計劃名單
  • 靈活計劃:所有靈活計劃必須在整體上保持標準計劃的保障之前提下,提供較高的保障選項,例如更高的保障限額及更闊的保障範圍。基於額外保障設計的多樣化,靈活計劃各有不同,使市場有更多產品的選擇。按這裡查詢認可靈活計劃名單

究竟標準計劃好還是靈活計劃好?視符你的投保預算、身體狀況、是否有其保醫療保單等等。建議你可以聯絡相熟的保險機構了解更多。亦可以去自願醫保計劃官網 check 清楚

medical stethoscope and mask composed with red foiled chocolate hearts

自願醫保計劃保費要幾多錢?

標準計劃保費參考

自願醫保保費貴唔貴?以標準計劃標準保費作為例子,產品提供者根據年齡、姓別、投保形式(獨立保單、附加契約)定立不同的保費要求。每間產品提供者的保費稍有差異。以一位30歲的女性為例,Bowtie 保費為HK$1,896;Bupa 為 HK$2,342;AIA為HK$3,072。

查看女性自願醫保標準計劃標準保費一覽表
查看男性自願醫保標準計劃標準保費一覽表

靈活計劃保費

自願醫保的靈活計劃認可產品的保費差異更為明顯,而且產品供應商亦比標準計劃多。建議消費者投保前要查閱及比較不同保險產品供應商的保費,以保障自己的權益。按這裡查看認可靈活計劃名單

本文以富衛FWD為例。富衛提供4款靈活計劃的自願醫保,有易衛您醫療計劃、更衛您醫療計劃、更衛您(優越版)醫療計劃、尊衛您醫療計劃,投保者可以根據個人需要靈活選擇。而保費方面都清晰顯示喺自願醫保計劃網站內有關認可靈活計劃名單

自願醫保有冇保費優惠?

答案係有!每間保險公司為咗吸引大眾投保,都會推出各式各樣嘅自願醫保計劃優惠,你喺選擇嘅時候可以一同考慮埋。

再以富衛嘅「尊衛您醫療計劃」為例,只要喺推廣期2022年1月1日至3月31日內成功投保,並以年繳方式交保費,除咗可享高達HK$8000扣稅額之外,仲有機會獲得5個月嘅首年保費折扣和「齊投保保費折扣*」!

*同時為自己及/或指明親屬投保2份或以上富衛自願醫保計劃, 各有機會於首個保單年度享額外1個月的保費折扣。

尊衛您醫療計劃(「本計劃」)為香港特別行政區政府自願醫保計劃的認可靈活計劃,由富衛人壽保險(百慕達)有限公司 (於百慕達註冊成立之有限公司)承保。自願醫保的產品提供者註冊編號 00036。註冊生效日期為2019年2月28日。詳情可以按這裡查詢

marketing man hands people

買自願醫保如何扣稅?

你為自己或指明親屬購買自願醫保計劃下嘅認可產品,就可以就薪俸稅及個人入息課稅方面申請稅務扣除。每個課稅年度每名受保人嘅最高保費扣除額為HK$8,000。

整張保單可扣稅:如果一張自願醫保計劃保單全部根據認可產品簽發,該保險保單只包含與認可產品有關的條款及保障;就自願醫保計劃保單繳付的全部保費可根據相關稅例申請稅務扣除。

部份保單可扣稅:如果一張自願醫保計劃保單只是部分根據認可產品簽發,即除認可產品的條款及保障外,該自願醫保計劃保單也包含其他保險產品有關的條款及保障,例如認可產品可作爲一個人壽保險產品的附加醫療保障。在此情況下,只有就認可產品部分繳付的保費才可根據相關稅例申請稅務扣除。

扣稅額=每年繳付保費(上限為HK$8,000)x 稅率

假如你為自己購買嘅一份自願醫保保單扣稅,每年繳交HK$12,000保費,而稅率為15%,你就可以獲得HK$1,200(8000×15%)嘅稅務扣減。

更多扣稅安排/例子可以參考稅務局網站自願醫保計劃網站

可以網上投保自願醫保嗎?

當然可以!但係Upjetso建議你網上投保之前(尤其選擇靈活計劃),一定要向保險公司或保險代理/經紀查詢清楚。以下係Upjetso整理的支援網上投保自願醫保的產品供應商:

閱讀更多Upjetso文章:

上一篇
下一篇

更多資訊

%d 位部落客按了讚: