【農曆新年攻略】2022虎年新春8大玩樂好去處

red and gold gift boxes
2022年農曆新年長假期好快就到!想玩盡新春假期,感受新年氣氛?梗係要提早計劃定先可以玩盡唔同嘅活動啦!Up著數介紹農曆新年假期8大好去處,有親親大自然的行大運路徑;又有幸運好意頭必去景點;仲有新年staycation推介,等大家可以同屋企人或者伴侶一齊玩餐飽!
文章目錄

2022年農曆新年長假期好快就到!想玩盡新春假期,感受新年氣氛?梗係要提早計劃定先可以玩盡唔同嘅活動啦!Up著數介紹農曆新年假期8大好去處,有親親大自然的行大運路徑;又有幸運好意頭必去景點;仲有新年staycation推介,等大家可以同屋企人或者伴侶一齊玩餐飽!

提提你:因新冠肺炎疫情不穩定,新春大型活動有機會被取消,建議各位留意活動主辦團體的最新消息。

1. 新年行大運 – 流水響郊遊徑

踏入新年去登高行山係一家大細嘅好活動,除咗可以飽覽風光之外,仲可以掃除過去一年嘅衰運,訂立新一年新目標!依家就介紹一啲輕鬆嘅行山徑比大家啦!

流水響郊遊徑沿途湖光山色,好受一家大細歡迎。唔單止風景優美,沿路仲有充足嘅郊遊設施,例如龍山橋、流水響橋等等,用嚟打卡都一流!香港旅發局介紹的流水響和鳳園路線由粉嶺上山,終點在大埔鳳園,沿路經鶴藪水塘、沙羅洞、鳳園蝴蝶保育區。完整路線詳情可以參考旅發局網頁

流水響水塘行山路線

前往流水響交通:於港鐵粉嶺站C出口,於公共小巴總站搭乘52B號綠色小巴,於流水響鶴藪道圓環下車。

2. 新年行大運 – 河背水塘

另一條推介的行大運路徑係河背水塘。河背水塘位於元朗八鄉附近,呢條路徑一直都好受歡迎,因為有日本行山feel,好似去咗沖繩咁~行山沿路路程平坦,小朋友都一樣行到。沿住河背水塘家樂徑行,有小橋流水景色。行完之後,仲可以入元朗搵食。一大班人可以去打邊爐或者食盆菜,情侶可以搵間靚靚cafe或者餐廳打卡!

前往河背村交通:於元朗乘搭71號小巴,於河背村下車。

3. 新年好意頭 – 黃大仙祠

農曆正月初三,俗稱赤口 。唔少人會選擇去黃大仙拜神求籤,祈求新一年一切順利。去之前記得做好防疫準備,因為人流一定唔少架~

地點:港九龍黃大仙竹園村二號

4. 新年好意頭 – 沙田車公廟

沙田車公廟同樣地都係新年好受歡迎既傳統好去處。到車公廟參拜通常都會轉下風車同祈福許願,想陪下屋企人感受傳統農曆新年既習俗,沙田車公廟都係一個唔錯既選擇。

地點:香港沙田車公廟路7號

5. 新年好意頭 – 大埔林村許願樹

想在2022虎年拎個彩頭,就要去林村許願樹啦!位於放馬莆的林村許願樹和天后廟,是每年農曆新年的旅遊熱點。新年入林村一定非常多人,所以可以早少少起身,早上探訪林村就會冇咁逼。另外,林村距離林錦公路不遠,你也可以選擇在港鐵太和站落車步行前往。按這裡查看林村官方網頁了解詳情

6. 農曆新年賽馬日 2022

一年一度嘅農曆新年賽馬日都好受香港人歡迎架,入場除咗想玩番兩鋪之外,最主要都係想感受下熱鬧嘅氣氛。每年仲會有一定嘅獎金獎品添!

日期:2022年2月3日
地點:沙田馬場

馬會合法賭博投注額2340億創新高足球「世盃效應」破千億增11%|香港01|社會新聞

7. 新年Staycation – 香港海洋公園萬豪酒店

唔想節日人頭湧湧,預訂酒店嘆返幾晚都係一個唔錯嘅選擇。依家好多酒店都有節日staycation優惠,喺酒店房望香港嘅夜景,都係一種絕頂嘅享受!想帶家中小朋友感受開心熱鬧的新年,去海洋公園Staycation兼入園玩樂就最適合不過!如果新年天氣回暖,仲可以去水上樂園玩添!

  • 香港海洋公園萬豪酒店Klook預訂優惠:按這裡
Klook.com

8. 新年Staycation – Ritz Carlton

新年難得一次想住豪啲?Ritz Carlton超凡天際嘅體驗就啱曬你。講明係天際之旅,梗係有無敵大海景睇啦!限時優惠仲送指定香檳一支同招牌藍莓芝士蛋糕,真係可以一路嘆香檳一路欣賞香港夜景啦~限時優惠包括:

  • 豪華客房住宿一晚
  • 每房每天於酒店餐廳享用雙人早餐
  • 房內專屬慶祝佈置(設氣球四個及橫額乙張)
  • 指定香檳一支
  • 酒店招牌藍莓芝士蛋糕(乙磅)在房間享用
  • 香港麗思卡爾頓水療中心指定療程體驗及酒店餐飲八折優惠(不包括客房送餐服務及不適用於指定日子及用餐人數限於四位)
  • 官網預訂連結

2022虎年新春玩樂提醒:

預計新冠肺炎疫情在2022年農曆新年仍然不明朗,各位想出門玩得開心又放心,記得做好防疫措施啦!除左謹記一定要戴好口罩之外,平時都要保持最少1.5米社交距離。隨身帶備消毒用品,咁就萬無一失啦!

上一篇
下一篇

更多資訊

%d 位部落客按了讚: