最近唔少人移民。準備移民時，除咗要賣樓、領取強積金、開離岸戶口，仲要思考如何處理手頭上持有的香港信用卡。究竟係取消香港的信用卡？還是帶埋去移民？做cut卡決定前，有眾多因素需要考慮，Upjetso逐一同你分析。
考慮因素1：移民後有冇固定入息證明？
- ✅ 有入息證明：cut香港信用卡，到外國申請當地信用卡
- ❎ 冇入息證明：保留香港信用卡用住先
在外國申請信用卡同香港一樣，冇入息證明難以獲批。當你剛剛抵埗，未搵到工又未有固定入息證明時，一般來說很難成功申請信用卡。尤其移民英國或歐洲國家的朋友要留意，在英國/歐洲開戶，銀行只會畀你一張 Debit Card（扣賬卡），只有能提供固定收入的人才會獲批信用卡。而且，英國/歐洲銀行審批信用卡比較嚴格，就算成功申請到信用卡，都係優惠回贈較少的初級卡，而且信用卡額度一般不會超過你申報的收入。
閱讀更多：【現金周轉攻略】信用卡支付 / 信用卡套現 / 私人貸款總比較
考慮因素2：有冇當地人做保證人？
不少國家審批外國人的信用卡申請都格外嚴謹，有時候會要求申請人搵當地人做保證人先會批卡。例如台灣的台新銀行和彰化銀行的信用卡申請要求就講明：
外籍人士需提供薪資扣繳憑單或近三個月薪資轉帳存摺/薪資單影本等財力證明及有效居留證影本；如需徵提保證人將另行通知。
台新銀行，《外籍人士辦卡》
外籍人士須領有本國居留證者及以徵有本行認可之本國籍保證人乙名以上或擔保品為原則。
彰化銀行，《如何申請信用卡》
除了保證人的要求外，沒有台灣正式身份證人士在台灣申請信用卡，一般需要提供護照影印本、有效居留證影印本、地址證明、最近三個月薪金證明或財力證明，所需要提交的申請文件要求和香港類似。
考慮因素3：你的香港信用卡需要繳付年費嗎？
- ✅ 所持信用卡永久免年費：建議保留用住先
- ❎ 所持信用卡需要繳付年費：如果冇人幫到你在香港打電話waive年費，建議考慮cut卡
打開銀包睇睇你所持有的信用卡，如果不是永久豁免年費的信用卡，就要查詢清楚該卡豁免年費的條件。部分信用卡在條款內寫明，只要持卡人在一年內簽賬滿指定金額，便可以豁免來年年費。例如東亞Flyer World 信用卡每年度累積簽賬／現金透支滿HK$90,000，就可以豁免下一年年費；美國運通Explorer™信用卡要求持卡人每年簽賬達HK$150,000；Citi Cash Back Card就要求客戶全年簽賬達HK$100,000。
閱讀更多：【CITI信用卡】一文睇清6張CITI信用卡邊張最適合你
閱讀更多：【東亞銀行WORLD MASTERCARD】靈活賺MILES/現金回贈+高達$600迎新獎賞
計過數，移民後未必符合到豁免年費的簽賬額？一般銀行收取年費之後，客戶可打電話去信用卡中心申請豁免年費。只要你平時準時交卡數，都會獲豁免下一年的年費。
如果你移民後，香港有值得信賴的親友可以幫你打電話去waive年費，咁不妨留返張卡作不時之需。但要留意，致電豁免信用卡年費的過程中，致電者需輸入或提供信用卡號碼、身份證號碼、持卡人個人資料等私隱，如果你冇信得過的親友在港，我們並不鼓勵你隨意將以上資料透露給第三方。
如果搵唔到人在香港幫你打電話waive年費？咁你就需要衡量該張信用卡是否值得你交年費喇。
考慮因素4：海外簽賬的外幣交易手續費
在香港發卡的VISA、MasterCard信用卡都支援海外外幣簽賬，American Express信用卡也可以在歐洲、美洲、澳紐消費。而銀聯卡不但在台灣、日本、韓國、泰國、新加坡等亞洲地區通行，連在歐美地區的認可性亦愈來愈高。一般而言，香港信用卡在海外簽賬的外幣交易手續費如下：
- 銀聯卡：0%
- VISA卡：1.95%
- MasterCard：1.95%
- 美國運通卡：2%
雖然部份信用卡有額外海外簽賬回贈，但扣減外幣交易需繳付的手續費和貨幣匯率後，整體而言都係冇在香港簽賬咁著數。以下係Upjetso為大家整理較常用信用卡的海外簽賬回贈和外幣交易手續費：
| 信用卡 | 海外簽賬回贈 | 外幣交易手續費 |
|---|---|---|
| Wewa銀聯卡 | 0.4% | 0% |
| EarnMore銀聯卡 | 2% | 0% |
| 中銀雙幣鑽石卡 | 0.4-4% | 0% |
| 滙豐Pulse銀聯雙幣鑽石信用卡 | 4.4% | 1% |
| AE Explore信用卡 | HK$3/里 | 2% |
| 匯豐Visa Signature卡 | 5.6% | 1.95% |
| Citi Cash Back 信用卡 | 2% | 1.95% |
| Citi Prestige 信用卡 | 1.5% | 1.95% |
| 渣打Simply Cash Visa卡 | 2% | 1.95% |
閱讀更多：【Mox Credit虛擬信用卡】申請資格、最新$200迎新、最高10%簽賬回贈
有冇免外幣交易手續費信用卡？
有！渣打Smart信用卡及中銀淘寶World萬事達卡，都係標榜免外幣交易手續費及永久豁免年費的信用卡。
渣打Smart卡介紹
憑渣打Smart卡，所有在海外以外幣簽賬及以港幣簽賬交易都免收手續費。但該卡的基本現金回贈只有HK$180元＝HK$1（相等於0.56%現金回贈比率）。
渣打Smart卡申請要求
- 香港居民及年滿18歲或以上
- 年薪HK$96,000或以上
- 固定收入人士須提供最近1個月的電腦編印糧單或附有姓名、賬戶號碼及薪酬之銀行月結單
- 非固定收入人士須提供最近3個月之電腦編印糧單或附有姓名、賬戶號碼及薪酬之銀行月結單
- 自僱人士須提供商業登記證及最近之營業稅單
迎新優惠高達HK$1,600＋特約商戶5%現金回贈
- 全新客戶於發卡後首2個月內消費滿HK$4,000，可享HK$1,000現金回贈
- 發卡後首2個月內設立自動轉賬，每項合資格自動轉賬可獲HK$100現金回贈(最多賺HK$500)
- 網上理財新用戶首次登記網上理財，並於首兩個月內完成首次登入程序獲額外HK$100現金回贈
- 由即日至2021年12月31日到特約商戶消費享5%現金回贈（特約商戶包括：DON DON DONKI、759阿信屋、屈臣氏、OK便利店、foodpanda、百佳超級市場、TASTE、FUSION、INTERNATIONAL、food le parc、GOURMET、GREAT FOOD HALL、SU-PA-DE-PA、便利佳、百佳冷凍食品）
中銀淘寶World萬事達卡介紹
淘寶World MasterCard的海外簽賬免手續費，「0手續費」政策在海外網上商戶及海外實體店同樣適用。
中銀淘寶World萬事達卡申請要求
- 香港居民及年滿18歲或以上
- 年薪HK$150,000或以上
迎新優惠高達HK$400
- 於發卡後首兩個月累積簽賬達HK$3,000或以上(當中需包括最少一筆手機簽賬交易)，享HK$300現金回贈
- 經電子平台成功申請享額外HK$100現金回贈
- 在淘寶購物享無上限0%手續費
- 憑卡消費HK$1賺1分「簽賬得FUN」
如果移民後，你仍然有香港開支需要處理，例如交租、發薪給員工、轉賬給家人或朋友，可以使用信用卡透過UprisePay 網上信用卡平台付款！用Uprise 繳費同轉賬，Visa、Mastercard手續費低至2.5%，仲賺到信用卡積分或現金回贈，同享有長達58日免息還款期！
閱讀更多：
