去旅行當然要shopping！袋多幾張信用卡，就唔怕唔夠錢買心頭好。雖然因疫情關係暫時唔能夠隨心所欲去旅行買嘢，但相信好多人都改為網上購物解癮。在海外網站購物時，用邊張信用卡最著數？免收外幣交易手續費(FCC)的銀聯卡係咪最抵用？Upjetso 為你整理在海外網站購物和在海外實體店碌卡簽賬嘅匯率、手續費、注意事項，讓你知道最佳的海外交易簽帳信用卡，幫你做好消費規劃～
1. 哪些信用卡簽帳屬於海外交易？
幫襯不在香港境內註冊的商戶（網店和實體店都計），或消費貨幣並非以港元結算，就屬於信用卡海外交易。例子有：
- 外國網站：Netflix、Google Play、Airbnb、Amazon、Hotel.com、Spotify等等。
- 海外實體店：在海外實體商店消費所產生嘅交易一律係海外交易，例如你喺當地餐廳食飯、行街買衫等。
2. 信用卡海外交易金額如何計算？
用信用卡簽帳海外交易要計算 3 項費用，分別係匯率、外幣交易手續費、以港幣支付外幣簽賬費用。匯率按信用卡組織(即VISA、MasterCard、AE、JCB、銀聯、Diners Club)交易當日公布的 exchange rate 而定，而手續費則各家銀行不同。
一般而言，外幣交易手續費、以港幣支付外幣簽賬費用的收費如下（個別銀行有不同收費政策，持卡人要睇清楚信用卡條款）：
| 信用卡類別 | 外幣交易手續費(FCC) | 以港幣支付外幣簽帳手續費(實體店購物適用) |
|---|---|---|
| Visa | 1.95% | 1% |
| MasterCard | 1.95% | 1% |
| JCB | 1%～1.95% | 1% |
| AE 美國運通 | 1.95%～2% | 1% |
| UnionPay 銀聯 | / | / |
| Diners Club | 3% | 1% |
3. 海外交易外幣結算匯率
海外交易會以當地貨幣結算。VISA、MasterCard、美國運通(American Express)、中國銀聯(UnionPay)、JCB、DINERS CLUB 呢6間發卡組織嘅外幣匯率都會有少少差異。兌換美元和歐洲貨幣的話，VISA 同 MasterCard 個價會靚少少；人民幣就銀聯抵啲；日圓就 JCB 最好。如你要用信用卡進行大額的海外交易，我們建議你碌卡前先去發卡機構網頁，參考當日的最新匯率。
小提醒，實際交易匯率要等收到月結單嘅時侯先會顯示。
4. 外幣交易手續費(FCC)
在外國網站或實體店購物，若交易以外幣結算，發卡銀行和信用卡組織會收取 1%～2% 外幣交易手續費(Foreign Currency Conversion 簡稱FCC)。大部分銀行的 VISA 和 MasterCard 收 1.95% ，而美國運通收 2%。值得留意銀聯卡 Union-pay 一般不會收取FCC，但貨幣匯率會相對較高。
5. 以港幣在海外實體店支付外幣簽賬
以港幣或美元在海外實體店支付外幣簽賬時，銀行會收取 Dynamic Currency Conversion (DCC)。銀行的信用卡條款細則通常會稱呢個收費為「以港幣支付外幣簽賬的有關費用」和「以美元支付非美元之外幣簽賬的有關費用」，以下就係 Citibank 信用卡「以港幣支付外幣簽賬的有關費用」的說明：
客戶在外地或海外網上商店消費時，有時候可選擇以港幣支付外幣簽賬。此選項屬海外商戶的直接安排，而非由信用卡發卡機構提供。客戶應於簽賬前向該商戶查詢有關匯率及手續費的詳情，因為以港幣支付外幣簽賬，所涉及的費用可能會較以外幣簽賬的手續費為高。
Citi信用卡/大來信用証資料概要及服務收費表
DCC手續費會在匯率和外幣匯率手續費之上再加，而且高達 3 – 5%，極不划算！在海外購物時，為了避免被收取如此高昂的額外費用，建議你：
- 用銀聯卡結算：DCC 不適用於銀聯，可避免被收取DCC 手續費，但匯率方面會較差；
- 用當地貨幣結算：如當地店員問用邊種貨幣結算，記得答用當地貨幣。在台灣就簽台幣、美國就刷美元、歐洲國家就用歐元。
6. 在海外商戶簽賬其他注意事項
喺外國實體店消費仲要額外注意以下3個事項。
開啟境外交易
出國之前，最好先向發卡機構了解你嘅信用卡喺咪已經開啟境外交易功能。忘記咗都唔緊要，依家通常登入網上銀行按一按就啟動到海外簽賬或海外提款，好方便。
多帶幾款信用卡
每間發卡組織都有主要的業務地區，VISA 集中喺美國、亞洲、澳洲；MasterCard 主要喺歐洲；銀聯主要喺亞洲地區；而JCB 就集中喺日本。外國商店未必會接受所有信用卡。建議出門旅遊時最好帶定2-3張不同種類的信用卡，有齊銀聯、VISA、MasterCard在銀包，基本上去邊度都碌到卡。
信用卡外幣簽賬回贈
信用卡都會利用海外簽賬回贈吸引鍾意去旅行嘅人申請。假如你經常去旅行，或者需要外出公幹的話，就可以留意一下你手上信用卡的優惠，賺盡現金積分、飛行里數！以下列出10張熱門信用卡的海外簽賬優惠：
| 信用卡 | 簽賬回贈 |
|---|---|
| 滙豐Pulse銀聯雙幣鑽石信用卡 | 4.4%／ HK$2.27/里 |
| Wewa銀聯卡 | 0.4% |
| Citi Rewards銀聯信用卡 | 0.4% |
| 匯豐Visa Signature卡 | 5.6%／ HK$1.78/里 |
| Citi PremierMiles 信用卡 | HK$3/里 |
| Citi Cash Back 信用卡 | 2% |
| DBS Black World MasterCard | HK$4/里 |
| 渣打Simply Cash Visa卡 | 2% |
| 渣打國泰萬事達卡 | HK$4/里 |
| 美國運通 Explorer™信用卡 | HK$3/里 |
7. 在海外網站購物回贈
只要揀岩信用卡，網購時信用卡的購物回贈有機會可以抵銷匯率同外幣手續費。部份信用卡更會推出特別優惠，海外交易會有額外積分，大家不妨留意信用卡寄出的最新推廣～
| 信用卡 | 網購現金簽賬回贈/里數 |
|---|---|
| 滙豐Red信用卡 | 4% |
| 建行(亞洲)京東信用卡 | 4% |
| 信銀國際Motion信用卡 | 5% |
| DBS Live Fresh Card | 6% |
| 恒生MPOWER卡 | 5% |
| 東亞i-Titanium卡 | 3.40% |
| DBS Compass Visa 信用卡 | 3% |
| EarnMore銀聯卡 | 2% |
| 渣打國泰萬事達卡 | HK$4/里 |
| 美國運通 Explorer™信用卡 | HK$4/里或1.25%現金回贈 |
| 滙豐Visa Signature信用卡 | 5.60% |
閱讀更多UP著數文章：
