【信用卡被盜用】需要報警嗎?預防信用卡被盜用9大貼士

crop man working on laptop
大家周不時都會聽到信用卡被盜用嘅個案,假如真係咁唔好彩,我們的信用卡被盜用,應該如何處理?有何方法可以避免信用卡被盜用?Upjetso 為你整理信用卡被盜用的處理方法和預防方法,以防萬一!
文章目錄

雖然信用卡嘅應用非常普及,但仍然存在安全風險。大家周不時都會聽到信用卡被盜用嘅個案,假如真係咁唔好彩,我們的信用卡被盜用,應該如何處理?需要打「999」報警嗎?有何方法可以避免信用卡被盜用?Upjetso 為你整理信用卡被盜用的處理方法和預防方法,以防萬一!

為甚麼我的信用卡資料會被盜用?

1. 遺失了信用卡

最常見的信用卡被盜用原因,係事主遺失了信用卡或者信用卡被盗竊,然後被盗用。一但發現信用卡唔見咗,建議立即向發卡機構報失信用卡,防止信用卡遭受他人盜用。

2. 信用卡資料被人盜取

即使信用卡仍然在銀包內,你的信用卡資料也可能因為網絡安全問題而外洩。

有一種較為不常見的信用卡被盜用個案,係受害人被身邊熟人(如配偶、子女、朋友、同事)盜用信用卡資料簽賬。如果不幸發生,建議你立即向親友說明這是一項刑事罪行,不要再次以身試法。

3. 網絡釣魚

「網絡釣魚」係另一種常見的信用卡資料被盜用個案。通常騙徒會透過電子郵件、SMS短訊、WhatsApp訊息等通訊工具,要求受害人點擊有問題連結,然後輸入信用卡資料及一次性密碼付款。

騙徒會盜用信用卡於網上購物,購買昂貴的電子產品或機票等。此類信用卡被盜用個案後果較為嚴重,有別於一般遺失信用卡被盜用的處理方式。儘管係網上詐騙,但因為係受害人主動輸入信用卡資訊,故受害人可能需要承擔被盜用的信用額。

閱讀更多:取消信用卡對信貨評級影響、CUT卡方法、何時再次成為新客戶

person holding apple magic mouse

信用卡被盜用應如何處理?

當你發現信用卡有未授權交易時,極有可能係信用卡被盜用。呢個時候要做以下3個步驟:

1. 通知發卡機構/銀行

你應該即時通知發卡機構/銀行,話比佢哋知可疑信用卡交易嘅資料,包括未授權交易的發生時間、金額、貨幣。一般情況下,如果你冇涉及欺詐行為,並且盡快通知發卡機構,你唔需要為可疑交易埋單。

以下係香港熱門信用卡發卡機構的客服電話和live chat。發現可疑信用卡交易時,建議立即聯絡。

發卡機構信用卡客服熱線Live Chat/電郵
匯豐銀行 HSBC2233 3000按這裡
恒生銀行 2398 0000按這裡
中國銀行(香港)2853 8828按這裡
星展銀行 DBS2290 8888按這裡
東亞銀行 BAE3608 6628按這裡
花旗銀行Citibank2860 0333按這裡
渣打銀行2886 4111按這裡
美國運通2277 2228按這裡
安信信貸2111 2999按這裡

2. 盡快報警

如果可疑交易嘅金額非常大,我們建議你通知發卡機構後報警備案。報警備案嘅資料可以提供證明比發卡機構。如果資料顯示出,你有提供合理措施保障信用卡及密碼、及時進行報失等,發卡機構好大機會唔需要你為相關交易負責任。

3. 刪除瀏覽器/App已儲存的信用卡資料

如果你儲存咗信用卡資料在電腦或手提電話,有機會因為網絡安全問題令你嘅信用卡資料被盜用。所以建議你刪除網頁瀏覽器、應用程式、網站已儲存的信用卡資料。想有多一重保障,最好改埋登入網站、應用程式的賬戶密碼,以防繼續被盜用信用卡資料。

laptop internet macbook technology

如何避免信用卡資料被盜用?

雖然以上方法可以幫到你解決信用卡被盜問題,但為咗避免發生呢啲情況,最好防患於未然。我哋可以從上網、交易時同保管3大方面入手:

1. 上網要小心

設置安全性高的帳號密碼(網購平台/網上銀行)

網絡安全問題一直都存在,所以我哋喺開新帳戶嘅時侯,最好設定一啲比較複雜、長嘅帳號名稱同密碼,好好利用大小寫字母、數字、符號,定期作出更改,千祈唔好用生日日期、電話號碼呢啲咁簡單嘅密碼。

使用值得信賴及認可的網站

並唔係每個網站都係安全嘅,可以留意網站嘅Link 有冇「https」嘅開頭,並且有一個「鎖」嘅符號係前面,如果冇嘅話就唔好係上面輸入你嘅個人資料,避免網站非法盜用。

不要使用公共WI-FI

如果你係街到用電話上網付款,有時貪方便同快會連一啲冇set 密碼嘅公共WI-FI ,但呢啲WI-FI 嘅安全性好低,黑客容易透過呢啲WI-FI 盜取到你嘅資料。

在街上使用手提電話

2. 進行網上交易要謹慎

使用安全網上付款工具

你在網上付款系統輸入信用卡資料時,建議先留意交易平台有冇加密系統,確保資料係被保護,喺交易過程中唔會被第三方存取。另外,交易完成後立即刪除信用卡資料,千祈唔好儲存信用卡資料。

利用交易密碼驗證

網購時,可以申請使用一次性SMS 密碼進行驗證,確保交易係經你手。VISA 嘅信用卡會提供驗證服務,你只需要申請嘅時候一齊登記就可以;而好多銀行本身都有提供類似嘅驗證服務,記得喺申請信用卡嘅時候登記埋。

用卡時應提高警覺

當你喺實體店比錢嘅時候,盡量將信用卡保持喺視線範圍之內,避免不懷好意嘅店員抄寫你信用卡資料,或者亂碌卡。

3. 日常保管信用卡要留神

選用有防RFID技術的銀包或卡片套

RFID 係一種「無接觸付款功能」,只要用有NFC功能嘅手機同RFID 應用程式,就可以隔空盜取信用卡資料。市面上有專門防RFID 技術嘅銀包,可以避免到銀包入面嘅卡被偷走資料。

切勿將信用卡(或相關資料)交比其他人。 

信用卡支付一般需要到號碼、名稱、日期同CVV 4項資料,假如有人拎到呢啲資料,好大機會被其他人利用,所以你應該妥善保管好你嘅信用卡,同其他有關資料。

定期檢查月結單

申請信用卡嘅時候可以開啟SMS 短訊交易通知,留意有冇可疑交易;另外養成檢查月結單嘅習慣,Double Check 有冇唔屬於你嘅交易出現,如果有就即刻通知發卡機構!

閱讀更多Up著數文章:

上一篇
下一篇

更多資訊

%d 位部落客按了讚: